حضرت مسعود بن خلدہؓ
حضرت مسعود بن خلدہ کا نام مسعود بن خلدہ تھا اور بعض روایات میں مسعود بن خالد بیان ہوا ہے۔ ان کا تعلق انصار کے قبیلہ بنو زُرَیق سے تھا۔ غزوہ بدر اور احد میں شریک ہوئے اور بعض روایات سے پتہ چلتا ہے کہ آپ واقعہ بئر معونہ میں شہید ہوئے جبکہ بعض دیگر روایات میں ہے کہ آپ غزوہ خیبر میں شہید ہوئے۔ (الاستیعاب فی معرفۃ الاصحاب جلد3 صفحہ448 مسعود بن خلدۃ، دار الکتب العلمیۃ بیروت2002ء)، (الاصابہ فی تمییز الصحابہ جلد6 صفحہ281 مسعود بن خلدۃ، دار الکتب العلمیۃ بیروت2005ء)