ہو گئے ہیں ’’ایم ایم احمد جدا‘ بطل جلیل

چل دئیے محسن‘ مربی‘ مہرباں میرے خلیل‘‘

لو کا موسم ہر طرف تھا دھوپ بھی تھی بے لحاظ

اور اس موسم میں تھے وہ ٹھنڈے پانی کی سبیل

ہر قدم پر گھپ اندھیروں سے پڑا تھا واسطہ

ہر قدم پر روشنی کی وہ بنے روشن دلیل

ہر طرف بکھرے تھے سنگ رہ مگر ان کا وجود

ہر کسی کے واسطے بنتا رہا اک سنگ میل

آخری دم تک خدا کے دین کے داعی رہے

کفر کی وادی میں دین حق کے تھے اعلیٰ وکیل

اک مسلسل جُہد میں قدسی مظفر ہی رہے

ہوش میں جب تک رہے سمجھا نہیں خود کو علیل