حضرت مسیح موعود علیہ السلام کے سایہ عاطفت میں پلنے والے،خاندان میر درد کی شعری اور روحانی روایات کے پاسدار حضرت سید میر محمد اسماعیل صاحب رضی اللہ عنہ کو جہاں علم الادیان و علم الابدان پر دست قدرت نصیب تھی، وہاں اس فنافی اللہ وجود کا عارفانہ کلام بھی روح پرور اور وجد آفرین تھا کیونکہ قدرت نے آپ کو قوت تحریر و تقریر اور موزونی طبع بھی عطا فرمائی ہوئی تھی۔

محترم محمد اسماعیل صاحب پانی پتی نے نہایت محبت و عقیدت اور فنی مہارت سے حضرت میر صاحب کے کلام کو مرتب کیا ہے۔ بخار دل 1928 سے شروع ہوکر 1970 تک مختلف مراحل سے گزر کر مرتب ہوتی رہی۔ موجودہ دیدہ زیب ایڈیشن میں پیشکش کے معیار کو نہایت محنت و کوشش سے اعلیٰ ترین رکھا گیا ہے۔