دنیا بھر میں آب بیتی لکھنے کا رواج عام ہے۔ مورخ احمدیت مولانا دوست محمد شاہدصاحب نے خود ستائی اور خود نمائی سے ماورا ہوکر اپنی زندگی کے 90 واقعات کا انتخاب اس زیر نظر کتاب میں جمع کیا ہے، جن سے خلافت احمدیہ کی اپنے خدام سے شفقت و محبت اور خدمت اسلام کی لگن اور قدردانی کا بھی پتہ چلتا ہے، نیز قادیان اور ربوہ اور یورپ کی مخصوص علمی تاریخ بھی یکجا ہوگئی ہے۔ مصنف نے نہایت سادگی سے اپنی ذاتی زندگی کے بعض متفرق واقعات کا انتخاب پیش کیا ہے جو دراصل جماعتی تاریخ ہیں۔