مکرم ومحترم مولانا دوست محمد شاہد صاحب مورخ احمدیت نے جلسہ سالانہ ربوہ 1974ء کے موقع پر شان قرآن کریم کے موضوع پر اپنے دلکش اور اچھوتے انداز میں تقریر فرمائی۔ نظارت اشاعت ربوہ نے اس قیمتی مواد کو کتابی شکل میں تیار کرواکر ضیاء الاسلام پریس ربوہ سے  طبع کروایا ہے۔ اس کتابچہ میں قرآن کریم کی شان کے متعلق احمدیہ لٹریچر سے نکات کی جھلکیاں پیش کرکے اس بودے اعتراض کا بھی احسن طرز پر رد کیا گیا ہے کہ جماعت احمدیہ قرآن کریم سے کماحقہ محبت و تعلق نہیں رکھتی ہے۔ مولانا موصوف نے نظم و نثر میں چیدہ چیدہ مواد پیش کرکے موضوع کے متعلق حسین اور قیمتی گلدستہ تیار کیا ہے۔