مجلس تحفظ ختم نبوت ملتان نے عبدالرحمٰن یعقوب باوا کا مرتب کردہ ایک مختصر پمفلٹ بعنوان ’’فیصلہ آپ کریں !‘‘ شائع کرکے تقسیم کیا تو اسلام انٹرنیشنل پبلی کیشنز نے اس دو ورقہ میں درج ہر اعتراض کا ترتیب سے جواب تیار کرکے مختصر کتابچہ کی شکل میں پیش کیا جسے ’’فیصلہ قرآن و سنت کا چلے گا کسی ایرے غیرے کا نہیں‘‘ کا عنوان دیا گیا۔ اس مختصر کتابچہ میں قریباً ایک درجن کے قریب ان اعتراضات کا جواب دیا گیا جو دراصل اس مخالف کی سیاہ بختی کی پیدا وار تھے۔ ورنہ ان سوالوں کا جواب پہلے بھی دیا جاچکا تھا لیکن اس مخالف مولوی کا مقصد وحید تو احمدیہ لٹریچر سے تحریرات کو سیاق و سباق سے قطع و برید کرکے عوام الناس میں اشتعال پیدا کرنا تھا جو اس نے اپنا یہ دو ورقہ مرتب کیا۔