عالمی سطح کے اعلیٰ ترین دنیاوی مناصب پر نہایت شان سے حکومت کرنے والے اور غیر معمولی عزت کے القابات اور اعزازات پانے والے اس وجود کی تمام دنیاوی رفعتیں اس عشق ِ حقیقی کا ادنیٰ سا ثمرہ تھیں جو عشق و وارفتگی آپ کو اپنے خالق و مالک ، اپنے آقا ومطاع حضرت محمد ﷺ اور اپنے مخدوموں حضرت مسیح موعود علیہ السلام اور خلفائے احمدیت کے ساتھ  تھا۔ آپ نے زندگی کے ہر اہم موڑپر خلفائے وقت سے رہنمائی حاصل کی اور عرب و عجم میں دکھی انسانیت کی بے لوث خدمات کی توفیق پائی ۔ اہل دنیا کے ساتھ  رہتے ہوئے بھی دین ، عبادت اور خدمت کو مقدم رکھنے میں آپ کا نمونہ قابل تقلید ہے۔