’’کل رات میں نے کفر احمدیت پر بہت غور کیا‘‘ یہ ضخیم کتاب ایک دلچسپ اور ایمان افروز داستان ہے ایک نومبائع کی۔ جس کا تعلق وادی ہزارہ سے تھا، جسے احمدیت قبول کرنے کی سعادت یوں ملی کہ وہ اپنے ایک واقف کار سے ملاقات کرنے حوالات اور جیل تک گیا کیونکہ اسے اپنے ہمسائے سے صرف انسانی ہمدردی تھی، محبوس قیدی کی ایمانی قوت، سلاخوں کے پیچھے بھی ہنستا مسکراتا چہرہ اور ایسا اطمینان جو نظر انداز نہیں کیا جاسکتا تھا، نے اس ملاقاتی کو بھی سوچنے پر مجبور کیا، اسے ایمان کی دولت سے سرفراز کردیا۔

اس افسانے کی طرح دلچسپ اور قدم قدم پر توجہ کھینچنے والے موڑ مڑنے والی اس کہانی میں دراصل سلسلہ عالیہ احمدیہ کے موقف کی خاموش تبلیغ پیش کی گئی ہے۔